سواء رضينا أم أبينا معرووف عندنا يالسعوديين ان حنا ندقق او بالاصح انتعنصر اذا وصل الامر للاصل والنشأة واللهجة والمجتمع. المهم الي ابي اقوله انا على اي أساس يصنف المجتمع السعودي الى بدوي x حضري ,,,اليس الاصح ان يصنف حسب قبيلي x خضيري ,,, أصح؟!
الخضيري لايحبذ مصطلح القبيلي (لان للكلمة معنى ايجابي يفقده الخضيري) فايفضل نعته بالبداوه (لان الكلمة هذي توحي بالجهل) و في نفس السياق أيضا لايحب الخضيري ان ينعته البدوي بانه خضيري فا يفضل وصف نفسه بكلمة (حضري).
المهم الي ابي اقوله ان تصنيف (ارسطو لوول) عفوا قصدي هالتصنيف الاعتباطي للمجتمع السعودي خاطئ بناءً على ان أغلب من يعتبرون او يعتبرون انفسهم بدو (وانا من ضمنهم) هم حضر بكل معنى الكلمة فهم قد ولدوا في مساكن ومقرات أقامة ثابته وارتادوا المدارس واستخدموا ما اتيح لهم من وسائل الحضارة والترفيه ومع ذلك فهم يعتبرون انفسهم بدو ولكن هم حضر لكن (الخضيري) لازال ينعتهم بأنهم بدو مع انه هو وياهم ساكنين في نفس المدينة؟!!
اممم طيب مهب مشكله هم اصلا يفتخرون بكلمة (بدوي) لكن المشكله هنا مادام فيه بدو لكن حضر في نفس الوقت فا التصنيف هذا غلللللللط لازم نشوف غيره!! اممم نجرب التصنيف الثاني قبيلي x خضيري ,,,القبيلي معروف انه من له قبيلة او عائلة ذات نسب صريح. يعني بالعربي الي يعرف سلالة جده ومثبته هذا قبيلي!! والي مضيع اصله ولا يدري وين الله حاشره اذا تعلق الموضوع بشغلات الأنساب مالانساب هذا يقاله خضيري (اصل كلمة خضيري قيل من السواد لان العرب كانت تقول للون الاسود خضر)!! هالتصنيف اسهل صح؟؟ واضح ولافيه تكلف واقرب للواقع!
الاشتراك في:
تعليقات الرسالة (Atom)
ليست هناك تعليقات:
إرسال تعليق